PSLLF Ink.

Gawad PSLLF sa Saliksik 2019 (Natatanging Tesis at Disertasyon)

PANAWAGAN SA PAGLAHOK SA GAWAD PSLLF SA SALIKSIK 2019 (NATATANGING TESIS AT DISERTASYON)

Mga Tuntunin

1. Ang Gawad PSLLF sa Saliksik ay timpalak na itinataguyod ng Pambansang Samahan sa Linggwistika at Literatura upang parangalan ang pinakamahusay na tesis o disertasyon na nakasulat sa wikang Filipino.

2. Bukas ang timpalak sa lahat ng aktibong miyembro ng PSLLF, maliban sa mga opisyal ng Samahan at mga kaanak nila. Sinumang hindi pa miyembro ay kailangang magpamiyembro upang makalahok sa timpalak.

3. Ang lahok ay kailangang makapasa sa sumusunod na kraytirya:

a. Tapos nang tesis o disertasyon (panahong saklaw: 2016-2019)

b. Tungkol sa alinmang paksa

c. Nakasulat sa wikang Filipino

d. Naiharap na sa panel ng mga tagasuri

e. Tinanggap na ng kaguruan ng pamantasang pinagtapusan ng kalahok

4. Upang makasali, ipapadala ng kalahok sa pdf format ang kanyang isinagawang pag-aaral at magsusumite ng bukod na abstrak ng pag-aaral na hindi lalampas sa 350 salita. Banggitin sa abstrak ang layon, metodolohiya, at resulta o natuklasan sa pag-aaral. Hindi na kailangang isama sa abstrak ang mga talahanayan, tsart, at iba pang katulad.

5. Nasa ibaba ang mahahalagang petsa kaugnay ng timpalak:

a. Huling araw ng pagpapasa ng entri: Setyembre 15, 2019

b. Pagpili ng mga finalist: Set. 16-Okt. 13, 2019

c. Patalastas sa mga finalist: Okt. 15, 2019

d. Presentasyon ng 3 finalist: Okt. 23, 2019 (unang araw ng SURI, SALIKSIK, SANAY 3: Pambansang Kumperensiya at Seminar-Worksyap ng PSLLF). Sa araw na ito pipiliin ang magwawagi batay sa preliminaryong pagtataya sa nilalaman ng papel (50%) at husay ng presentasyon (50%).

6. Lahat ng kalahok ay tatanggap ng Katibayan ng Paglahok. Ang 3 finalist ay tatanggap ng Katibayan ng Kahusayan. Isa lamang ang magwawagi na tatanggap ng premyong salapi at Plake ng Pagpapahalaga, na sariling disenyo ng PSLLF.

7. Ang tatlong finalist ay makalalahok nang libre sa unang araw ng kumperensiya (Okt. 23).

8. Ipadala ang abstrak AT approval sheet sa tagapangulo ng timpalak na si Dr. Aurora E. Batnag, email address: au@batnag.org

9. I-FILL-OUT ANG FORM NA ITO para maging opisyal ang paglahok sa Gawad PSLLF: http://bit.ly/GawadPSLLF2019

10. Ipadala rin sa au@batnag.org ang katibayan ng pagiging kasapi ng PSLLF (gaya ng ID). Kung hindi pa miyembro, magmiyembro muna. Ang impormasyon hinggil sa pagmimiyembro sa PSLLF ay nasa http://bit.ly/PSLLFMembership2019

(Para sa iba pang detalye kaugnay ng Pambansang Kumperensya at Seminar-Worksyap 2019 na siyang kinapapalooban ng programa para sa Gawad PSLLF sa Saliksik, mangyaring idownload ang file na ito:

https://psllf.org/wp-content/uploads/2019/08/panlahat-letter-invitation.psllf_.sss3_.2019.pdf

o kaya’y bisitahin ang post na ito sa FB:

https://www.facebook.com/PSLLF/photos/a.616308211790626/2328573223897441/?type=3&theater)

August 17, 2019August 26, 2019 by PSLLF Ink.

PSLLF LIFETIME Membership

Kwalipikasyon at Proseso sa Aplikasyon Bilang Habambuhay na Kasapi ng PSLLF

Ang anunsyong ito ay aplikable na sa lahat ng mag-aaplay na habambuhay na kasapi MULA Hulyo 23, 2019.

1) Ang unang kwalipikasyon sa aplikasyon bilang habambuhay na kasapi/lifetime member ng PSLLF ay 5 taong consecutive na annual membership O KAYA’Y 8 taong non-consecutive na annual membership. [Para sa impormasyon hinggil sa annual membership, tumungo sa https://psllf.org/2019/07/18/psllf-membership/ ]

2) Bukod sa unang kwalipikasyon, KAILANGAN DIN ANG 3 MAN LAMANG sa alinman sa mga sumusunod na karagdagang kahingian:

a. Lumahok na sa 3 man lamang na Pambansang Seminar (tuwing Oktubre) ng PSLLF AT 3 man lamang na iba pang seminar ng PSLLF.

b. Nakapagtapos na ng MA o PhD (o katumbas nito).

c. Nagkamit ng national award/s.

d. May 3 man lamang na publikasyon (journal article, akdang pampanitikan, o kaya’y book chapter), o isang buong libro, o tatlong librong inedit, na inilathala ng reputable publishers.

3) Ang aplikasyon para sa habambuhay na kasapi ng PSLLF ay maaaring simulan sa pamamagitan ng pagpapasa ng .pdf copy ng curriculum vitae (pokus sa mga kwalipikasyon/kahingian ng aplikasyon) at mga .pdf o .jpg attachment (gaya ng scanned copy ng mga ID at/o resibo ng annual membership; diploma at transcript of records sa MA at/o PhD; sertipiko ng paglahok sa mga aktibidad ng PSLLF; katibayan ng pagkakamit ng national award/s; sipi ng journal o akdang pampanitikan; kung libro, hindi na kinakailangang isumite ang buong kopya, sa halip ay pabalat, copyright page, at table of contents na lamang) sa psllf.org@gmail.com

4) Ang desisyon hinggil sa aplikasyon ay ipapabatid ng PSLLF sa pamamagitan ng email, 1-2 buwan mula sa araw ng pagsusumite. Kinakailangang mag-fill-out ng ONLINE LIFETIME MEMBERSHIP FORM ang nag-aplay at magbayad ng lifetime membership fee na 4,000 piso, kapag pinagtibay ang kanyang aplikasyon. Narito ang lifetime membership forms:

PARA SA WALANG GMAIL ACCOUNT: https://docs.google.com/forms/d/e/1FAIpQLSfy3N9zmF2CR5vmu88HtA-0IXa6vHIx-v6joJz8SpzZXo6TRA/viewform

PARA SA MAY GMAIL ACCOUNT:

https://docs.google.com/forms/d/e/1FAIpQLSeUol54V96j5YxGPOqC9rgwQIIOt0OGm01eSZl3m-EkqnEkfg/viewform

5) Ang membership fee ay maaaring ibigay sa aktibidad ng PSLLF. Kung hindi pa makakalahok sa mga aktibidad, maaari ring magdeposit ng membership fee AT karagdagang 200 piso (kung nais mong ipa-LBC sa iyo ang iyong ID at resibo) sa UCPB ACCOUNT NAME: Pambansang Samahan sa Linggwistika at Literaturang Filipino Inc. at ACCOUNT NUMBER: 10-120-0000-932. Pagkatapos naming makumpirma ang pagbabayad ay agad na ipoproseso ang resibo at PLASTIC ID CARD (basta’t nakapagpasa na rin ng SCANNED copy ng 1×1 na larawan AT E-SIGNATURE). Maaari ring kunin sa Maynila ang ID at resibo (kontakin ang 0927-2421-630). Para sa mga lugar na walang UCPB, maaari ring ipakideposit ang bayarin sa alinmang LBC branch. Sabihin lamang na ideposit iyon sa UCPB ACCOUNT NAME: Pambansang Samahan sa Linggwistika at Literaturang Filipino Inc. at ACCOUNT NUMBER: 10-120-0000-932.

6) Ilan sa mga benepisyo ng habambuhay na kasapi ang mga sumusunod:

a. prayoridad sa diseminasyon ng mga anunsyo via email (kasama na ang mga hinggil sa libreng CPD seminars)

b. awtomatikong diskwento sa lahat ng may bayad na seminar ng PSLLF

c. maaaring maimbitahang lektyurer o facilitator sa mga seminar at worksyap ng PSLLF

d. prayoridad sa mga espesyal na maliitang pangkatang worksyap ng PSLLF

e. wala nang taunang membership fee na babayaran

July 23, 2019January 31, 2020 by PSLLF Ink.

PSLLF Annual Membership

Paano maging miyembro o magrenew ng membership sa PSLLF?
1) Magdeposit ng membership fee sa UCPB ACCOUNT NAME: Pambansang Samahan sa Linggwistika at Literaturang Filipino Inc. at ACCOUNT NUMBER: 10-120-0000-932.
Para sa mga lugar na walang UCPB, maaari ring ipakideposit ang bayarin sa alinmang LBC branch. Sabihin lamang na ideposit iyon sa UCPB ACCOUNT NAME: Pambansang Samahan sa Linggwistika at Literaturang Filipino Inc. at ACCOUNT NUMBER: 10-120-0000-932.
Isang taon (Enero-Disyembre) lamang ang validity ng taunang membership.

REGULAR MEMBERSHIP (Annual): 400 piso

2) Ipadala sa psllf.org@gmail.com ang mga sumusunod na file:

scanned copy ng 2×2 ID picture
scanned copy o clear picture ng electronic signature
scanned copy o clear picture ng deposit/transaction slip NA MAY NAKASULAT NA PANGALAN NG NAGMIMIYEMBRO/NAGRERENEW ng MEMBERSHIP

3) I-FILL-OUT ang membership form na ito: https://docs.google.com/forms/d/e/1FAIpQLSdmsl9QDV5fA_wyIyk52kMAzBrUzyrncHky1YR-VTq8ThhkqA/viewform

4) DALHIN ANG ORIHINAL na deposit slip/transaction slip at KUNIN ANG PLASTIC ID CARD sa aktibidad ng PSLLF (sa 15 Pebrero 2020 ang susunod na aktibidad, sa UST-Manila) o kaya’y puntahan kay Prop. Emma Olila-Sison sa Filipino Department, 3rd Floor Faculty Center, De La Salle University-Manila (malapit sa LRT Vito Cruz), tuwing Miyerkoles (magtext muna sa 0917-896-1993)

ANG IMPORMASYON NAMAN SA LIFETIME MEMBERSHIP AY MABABASA DITO: https://psllf.org/2019/07/23/psllf-lifetimemembership/

July 18, 2019January 31, 2020 by PSLLF Ink.